Өрхийн амьжиргааны түвшин тогтоох судалгаа Увс аймагт амжилттай хэрэгжиж байна

            Шинэчлэлийн Засгийн  газрын 2012-2016 оны үйл  ажиллагааны  хөтөлбөрт  нийгмийн  халамжийн үйлчилгээг зорилтот бүлэгт чиглүүлэх зорилт туссан. Энэ бодлогыг хэрэгжүүлэх зорилгоор  МУЗГазраас 2013 оны 7-р сарын 9-ны өдөр  “Улсын  хэмжээнд  судалгаа хийх” тухай 269  дүгээр  тогтоолыг баталсан. 2013 оны 10-р  сарын 25 ны Аймгийн иргэдийн төлөөлөгчдын хурлын тэргүүлэгчдын хуралдаанаар Өрхийн  амьжиргааны түвшин тодорхойлох судалгаанд шаардагдах төсвийн талаарх асуудлыг   хэлэлцээд энэ удаагийн судалгаанд 208,875,375 ₮-ийг зарцуулахаар шийдвэрлэсэн.   

  Аймгийн хэмжээнд Өрхийн амьжиргааны түвшин тодорхойлох судалгааг  зохион  байгуулах   бэлтгэл  ажлыг  хангах  тал  дээр   Хүн  амын хөгжил нийгмийн  хамгааллын яамнаас манай аймагт томилигдон  ажиллаж  байгаа  Үндэсний зөвлөх, АЗДТГазар, НХҮХэлтэс  хамтран ажилаж байна.  ӨАТТ ажлыг аймгийн хэмжээнд  зохион  байгуулах  ажлын  хэсэг  байгуулах  тухай аймгийн  засаг даргын  2013 оны 10дугаар  сарын 18 ны  өдрийн  А/660  тоот захирамж гарч   ажлын хэсгийг 10 байгууллагын  15  хүний  бүрэлдэхүүнтэй  байгуулж , байгууллага бүр  судалгааг хийгдэх  хугацаанд ямар чиг  үүрэгтэй оролцохыг  баталгаажуулж  өгсөн  юм .10 дүгээр сарын 17-19 хооронд, 19 сумын  засаг дарга,  сумын халамжийн мэргэжилтэн 22, хөдөөгийн сум бүрээс 1 багийн засаг дарга, Улаангом  сумын 11 багийн  засаг  дарга   НХҮХэлтсийн  мэргэжилтэнүүд  нийт  89 төрийн албан хаагчдад 2 өдрийн сургалтийг “Багийн өрхийн  жагсаалт, газрын  зураг   бэлтгэх тухай” сэдвээр сургалтыг Үндэсний зөвлөх, АЗДТГазар, НХҮХэлтэстэй хамтран зохион  байгууллаа. 

92 багийн засаг дарга, халамжийн  нийгмийн  ажилтан  нар  хамтран   аймгийн нийт өрхийн жагсаалт, газрын зургыг  10 дугаар  сарын  20ноос  23 ны  хооронд  баг тус бүрээр бэлтгэн үндэсний зөвлөхөд хянуулж  НХҮХэлтэст төвлөрүүлэн судалгааны бэлтгэл  ажлыг   хангаж  ажиллаа. Өрхийн жагсаалт газрын зураг бэлдэх явцад   аймгийн хэмжээнд 18586 өрх  бүртгэгдэж  эдгээр  өрхийн  мэдээллийг Хүнсний эрхийн  бичгийн програмд оруулаад байна.

Өнөөдрийн байдлаар судалгааны ажилтан аймгийн төвд 43, Хөдөөд 77, мэдээлэл  шивэгчээр  6, багийн ахлагч 27  гэрээт  ажилтныг   ажилуулахаар  гэрээ хийн,   2 өдрийн тэнхимийн сургалт 2 өдрийн туршилтын судалгаанд хамруулж судалгааг  хийхэд  шаардагдах хэрэглэгдэхүүнүүд болон  гарын авлага  олгож  үнэмлэхжүүллээ.

Аймгийн ажлын хэсгийн  хуралдаанаар ажлын хэсгийн   гишүүн  байгууллагууд  орон  нутагт ажиллаж байгаа нэгжүүддээ чиглэл хүргүүлж, өөрсдийн  үйл  ажиллагааны чиглэлээр гарч болох эрсдлийн талаарх мэдээлэл сурталчилгаа хийж, сумдад судалгааны ажил эхлэхээс өмнө ажилтанууддаа  үүрэг чиглэл өгч ажиллахыг  үүрэг болголоо.  ӨАТТ судалгааг авах үеийн  эрсдлийг тооцсон  ажлын  төлөвлөгөөг  гаргаж  ажлын  хэсгийн ахлагч, аймгийн Засаг  даргын  орлогч Б.Цэцээгээр батлуулан  сумдад  хүргүүллээ.  Судалгааны талаарх сурталчилгааг олон нийтэд хүргэхээр МВС, САМА телевизүүдтэй  хамтран  ажиллах  гэрээ  байгуулж богино  хэмжээний шторкийг  11-р  сарын 19-нөөс  өдөрт 4-10 удаагийн  давтамжтайгаар олон  нийтэд хүргэж байна.

Судалгааны талаар танилцуулга болон  аргачлал танилцуулах  сургалтыг 375  хүнд зохион байгуулж, сурталчилгааны хулдаасан самбар 27 ш, зурагт хуудас 700ширхэгийг сум багийн төв, хүн олноор цугларах газарт тараан  байршуулаад байна.     

Энэ  судалгааны  үр  дүнд  байгуулагдсан  мэдээллийн санг бодлого боловсруулахад болон нийгмийн аливаа тусламж, үйлчилгээг хүргэх зорилтот хүрээг тогтоох, тусламж, үйлчилгээний төрөл, хэлбэр, хэмжээг тодорхойлоход зориулсан зохистой бодлогыг хэрэгжүүлэхэд ашиглана.

2013 оны 11-р  сарын 25наас 12-р  сарын  09 хүртэл  орон  даяар  зохион байгуулагдах  өрхийн  амьжиргааны түвшин  тодорхойлох  ажилд иргэд  та бүхэн  идэвхтэй  хамрагдана  уу.

                              УВС АЙМГИЙН НИЙГМИЙН ХАЛАМЖ, ҮЙЛЧИЛГЭЭНИЙ ХЭЛТЭС