Дорнод аймгийн МХГ-аас цагаан сарын баяр ёслолын үед нийтийг хамарсан хоол хүнсээр дамжих өвчин, халдвар, хордлого, бараа бүтээгдэхүүнтэй холбоотой эрсдэл гарахаас урьдчилан сэргийлэх, илэрсэн зөрчлийг таслан зогсоох, худалдаа, үйлчилгээ эрхлэгчдэд заавар зөвлөмж өгөх зорилгоор холбогдох улсын байцаагчдын бүрэлдэхүүнтэйгээр 2014.01.15-30-ны өдрийг хүртлэх хугацаанд хамтарсан хяналт шалгалт хийлээ. Шалгалтанд “Дорнод худалдаа” ХК-ийн “Шүр” зах, “Дорнод Онон” зах, хүнсний бөөний худалдаа эрхлэгчид, бөөний худалдааны төв, супермаркет, нарийн боовны цех, бууз, баншны үйлдвэр зэрэг 7 аж ахуйн нэгж, 29 иргэн хамрагдлаа.
Уламжлалт баяраар өргөн хэрэглэгддэг өндөг, хиам, нөөшилсөн бүтээгдэхүүн, хэвийн боов, сүү, цагаан идээ, чихрийн цуглуулга зэрэг бүтээгдэхүүний худалдаалалтанд хяналт шалгалт хийхэд холбогдох байцаагчийн шинжилгээ баталгаажилттай байна. Нийт худалдаалагдаж байгаа жимс, жимсгэнэ, хүнсний ногооны чанарт мэдрэхүйн үзлэг хийхэд нийт бүтээгдэхүүний 98,6 % нь чанарын шаардлага хангаж байв.
Дорнод аймгийн хэмжээнд үйл ажиллагаа явуулж буй “Дорнод Онон” ХХК, “Дорнод худалдаа” ХХК-ийн худалдааны захад мах худалдаалж байгаа 43 иргэнд хяналт шалгалт хийж, 2 төрлийн нийт 71 ширхэг зөвлөмж хүргэж ажиллалаа. Шалгалтын явцад 16 аж ахуйн нэгж, иргэний 39 сорьц авч шинжлэхэд аюулгүй үзүүлэлтийн шаардлага хангаж байна.
Нарийн боовны цехүүдийн үйлдвэрлэж байгаа хэвийн боовны орц найрлагад орж байгаа шар тос, шарах өөхөн тосны хэрэглээ, чанар, аюулгүй байдалд хяналт тавьж, мэргэжил арга зүйн зөвлөлгөө өгч ажиллав.
Шалгалтын явцад иргэдийг чанаргүй бүтээгдэхүүн худалдан авахгүй байх, сонголтоо зөв хийж үйлчлүүлэх талаар орон нутгийн телевизээр давтамжтайгаар сэрэмжлүүлэг хүргэсэн ба “Шүр” хүнсний захын самбарт хаяг шошго нь тодорхой бус, хувь хүний гар дээрээс болон хадгалалтын горим зөрчигдсөн газруудаас түргэн гэмтэх хүнсний бүтээгдэхүүнүүдийг худалдан авахгүй байх зөвлөмж хүргэж ажиллав.
Дорнод аймгийн Мэргэжлийн хяналтын газар
Tweet
Засгийн газрын тохируулагч агентлаг
Увс аймгийн мэргэжлийн хяналтын газар Албан ёсны цахим хуудас Хуулбарлахыг хориглоно © 2019 Бүх эрх хуулиар хамгаалагдсан